AIX Дамуы

БІЗДІҢ ЖЕТІСТІКТЕРІМІЗ 

Astana International Exchange әлмдік сыныптағы сауда алаңын қалыптастыру процесін аяқтады және бизнесті одан әрі қарай дамытуға арналған жаңа міндеттерді орындауға дайын. 

Біз жоғары технологиялар мен сараптама ғана емес, сонымен қатар шетелдік инвестициялық қоғамдастыққа түсінікті реттеуші орта да болып табылатын сауда платформасын жоқтан құрдық. АІХ-те 30-ға тарта сауда мүшелерінен тұратын экожүйе құрылды, оған қазақстандық брокерлер, сол сияқты Қытай, Ресей және Еуропа брокерлері кіреді. 

2021 жылы АІХ биржалар мен клирингтік орталықтардың жаһандық салалық қауымдастығы болып табылатын және WFE-нің толыққанды мүшелері болып табылатын 68 биржаны қоса, нарық инфрақұрылымының 250-ден аса қатысушысын біріктіретін Дүниежүзілік биржалар федерациясына («WFE», World Federation of Exchanges) толыққанды мүше ретінде қабылданды. Бұл мүшелік АІХ-ті әлемдегі жетекші биржалардың ең жоғары стандарттарына жауап беретін нарық ретінде тағы бір рет тану болып табылады және инновациялық және серпінді жергілікті капитал нарығын дамытуда маңызды рөл атқарады. 

2021 жылғы шілдеде АІХ AIX Qazaq Index (AIXQI) биржалық индексін іске қосты, ол бизнесі Қазақстанмен байланысты компаниялардың акцияларының көрсеткіштерін өлшейді және нарықтық капиталдандыру бойынша өлшемді индекс болып табылады. Индекстің құрамына сегіз қазақстандық компанияның АІХ-те, Қазақстандық қор биржасында және Лондон қор биржасында саудаланатын акциялары мен жаһандық депозитарлық қолхаттары кірді. АІХ-те Halyk Finance-пен ынтымақтастықта AIXQI индексіне байланыстырылған екі биржалық нота листингтелді, олар: AIXQI индексімен анықталатын пропорциялармен қазақстандық акцияларға инвестиялайтын пассивті инвестициялық тәсілді  биржалық нота және инвестициялық менеджердің белсенді басқаруы есебінен AIXQI индексінен озуы көзделетін, белсенді басқарылатын нота. 

2021 жылғы желтоқсаннан бастап эмитенттерге АІХ-те тікелей листинг мүмкіндігі ұсыныладыбұл акцияларды бастапқы жария орналастыру (ІРО) дәстүрлі процесінің шеңберінде компанияның капитал тартусыз қор нарығына шығуына мүмкіндік беретін процесс. Эмитент акцияларды әлеуетті инвесторларға өтінімдер кітабын жинау арқылы әдетте белгілі бір дисконтпен сататын ІРО-дан айырмашылығы, тікелей листинг кезінде бастапқы сатуларды бар акционерлер Биржа арқылы сауда-саттық режимінде жүзеге асырады, ал бағалар АІХ сауда-саттығының қағидаларына сәйкес сатып алуға және сатуға берілген өтінімдердің сәйкес келуі негізінде анықталады. 

2021 жылғы желтоқсанда iX Bitcoin биржалық нотасы шығарылды, оның базалық активтері биткойнға фьючерстердің динамикасын қадағалап отыратын ең ірі қорлардың бірі – ProShares Bitcoin Strategy ETF (BITO) акциялары болып табылады. Бұл Орталық Азиядағы криптовалютаға байланыстырылған алғашқы биржалық құрал.  

АІХ қор нарығында орнықты қаржыландыру жүйесін жоспарлы түрде дамытып келеді және бұл процестің қатысушыларына кәсіби көмек көрсетеді. Біз эмитенттер арасында, да, сол сияқты инвесторлар арасында да орнықты даму іс-тәжірибесін ендіруді және ESG мақсаттарын іске асыруды  жаһандық ынталандыру жағдайында Қазақстанда ESG облигациялар мен «жасыл» облигациялар нарығы көлемінің өсуі жалғасады деп күтеміз. 

2021 жылғы қарашада  АІХ биржасында «Самұрық-Энерго» АҚ 18,4 млрд теңге сомасының дебюттік жасыл облигацияларын 2028 жылғы мамырда өтеу мерзімімен және 11.40% купон мөлшерлемесімен орналастырды. Барлық сома АІХ-те жария жазылым (букбилдинг) арқылы тартылды.  «Самұрық-Энерго» АҚ «жасыл» облигациялар арқылы борыштық қаржыландыру тартқан өндіріс саласындағы алғашқы қазақстандық эмитент болды. 

Сонымен қатар 2021 жылғы қарашада Еуразия даму банкі (ЕАДБ) 10,6% купон мөлшерлемесімен 20 млрд теңге сомасының үш жылдық әлеуметтік облигацияларының листингін жүзеге асырды. Барлық қаражат көлемі Astana International Exchange арқылы тартылды. Тартылған қаражат Эмитенттің Қазақстанда іске асырылатын әлеуметтік жобаларын дамытуға бағытталатын болады. 

2022 жылғы 1 наурыздағы жағдай бойынша АІХ нәтижелері

AIX ДАМУЫНЫҢ СТРАТЕГИЯЛЫҚ БАҒЫТТАРЫ