1. Бас бет
  2. AIX-тегі IPO реферальды бағдарламасы

AIX-тегі IPO реферальды бағдарламасы

AIX-тегі IPO реферальды бағдарламасы – қазақстандық компаниялардың акцияларын AIX биржасына шығару арқылы ақша табудың тәсілі. Компанияның акциялары AIX-тің Ресми тізіміне сәтті енгізілген жағдайда, IPO-агент AIX листингтік комиссиясының пайызы ретінде есептелетін агенттік комиссия алады.

Қаржылық, заңды немесе өзге де консультациялық және делдалдық қызметтер көрсетуде тәжірибесі бар жеке немесе заңды тұлға IPO-агент бола алады. IPO агенттің міндеті – компания менеджментінің AIX биржасының өкілдерімен алғашқы консультациясын ұйымдастыру, сондай-ақ листинг күніне дейін эмитентке консультациялық қолдау көрсету. Қор нарығында капитал тартуды жоспарлап отырған, шағын және орта бизнеске арналған «REMS» сегментіндегі AIX биржасының листинг талаптарға сәйкес келетін, кез келген салада қызмет ететін қазақстандық орта және шағын бизнес компаниялары эмитент бола алады.

AIX-тегі IPO реферальды бағдарламасы қалай жұмыс істейді

Жиі қойылатын сұрақтар:

IPO-агентке қойылатын талаптар қандай?
Қазақстандық компаниялардың акцияларын AIX биржасына шығаруға ықпал ететін кез-келген заңды немесе жеке тұлға IPO-агент бола алады. AIX пен IPO-агенті арасында агент AML/KYC талаптарына сәйкес стандартты контрагенттік тексеруден сәтті өткеннен кейін келісімшарт жасалады.
IPO-агент нақты не істеуі керек?
Бағдарлама шеңберіндегі IPO-агенттің міндеті – компанияны биржаға тарту және кейіннен AIX-те листингтен өтуімен байланысты биржа пен эмитент-компания арасындағы листингтік шартқа қол қойылғанға дейін ақпараттық сүйемелдеу.
Қандай компаниялар AIX-тегі листингке сәйкес келеді?
Бағдарлама шағын сегменттегі, яғни капиталдандырылуы 1,3 млрд АҚШ долларынан аспауы тиіс қазақстандық компанияларға бағытталған. Эмитент-компания REMS сегментіндегі AIX-тің листингтік талаптарына сай болуы керек. Листинг рәсімін бастау үшін қажетті құжаттар тізімімен сілтемесі арқылы өтіп, танысуға болады.
IPO реферальды бағдарламасы шеңберінде қандай сыйақы алуға болады?
Эмитент-компанияның листингі сәтті болған жағдайда IPО-агентке төленетін комиссия компанияның капиталдандырылуына байланысты. Агенттің комиссиясының мөлшері биржаға төленген бастапқы листингтік комиссия сомасының 50%-на дейін құрайды (AIX Төлем кестесі), бірақ қалай болғанда да  агенттің комиссиясы 50 000 АҚШ долларынан аспайды. Биржа IPO-агентке комиссияны биржа тиісті листинг үшін листингтік комиссия алған жағдайда ғана, яғни компания акциялары «REMS» сегментіндегі AIX ресми тізіміне енгізілгеннен кейін төлейді..
IPO-агент пен AIX арасындағы, IPO-агент пен листингке дайындалып жатқан компания арасындағы қарым-қатынас қалай реттеледі?

Бағдарлама шеңберінде IPO-агент пен AIX арасындағы олардың құқықтары мен міндеттерін орындау үшін туындайтын қатынастар қызмет көрсету туралы шартпен немесе  АХҚО заңнамасына сәйкес кез-келген уақытта (эмитент-компания биржаға ұсынылғанға дейін немесе одан кейін), тіпті листинг күніне дейін IPO-агент пен AIX арасында жасалатын өзге шартпен реттеледі.

AIX IPO-агент пен листингке дайындалып жатқан компания арасындағы қарым-қатынасқа араласпайды, бұл қатынастар тараптар белгілеген тәртіппен реттелуі мүмкін.

IPO-агент AIX-те IPO өткізу үшін тарта алатын компаниялар санына шектеулер бар ма?
Шектеулер жоқ.

Байланыс үшін  

Email:  [email protected]

Дисклеймер

Бағдарламаның осы сипаттамасы тек ақпараттық мақсаттарға арналған және жария оферта немесе қандай да бір шарт жасасу үшін негіз болып табылмайды. AIX осы хабарландыруға байланысты үшінші тұлғалар алдында қандай да бір міндеттемелерді қабылдамайды. Ақпарат тек Бағдарламаның шамамен ұқсас ережелерін қамтиды және AIX Бағдарлама шарттарын өзгерту құқығын сақтайды. AIX аталған ақпараттың толықтығына, өзектілігіне және дәлдігіне ешқандай кепілдік бермейді. Сіз осы ақпаратқа байланысты және оның негізінде жасаған кез-келген іс-әрекеттер тек сіздің жауапкершілігіңізбен жүзеге асырылады. Осы сипаттамадағы ешқандай ережелер жарнама, қаржылық немесе басқа кеңес немесе кеңес ретінде қарастырылмауы және/немесе түсіндірілмеуі керек. AIX биржасы осы ақпаратты пайдалануға байланысты үшінші тұлғалардың келтірген шығындары мен залалдары үшін жауапты болмайды.