Astana International Exchange («AIX», «Биржа») Freedom Holding Corp. («FRHC») жай акциялары AIX-тің ресми тізіміне енгізілгенін хабарлайды.
Акциялар (ISIN: US3563901046) «FRHC» тикерімен саудаланады, ал баға белгілеулер мен есеп айырысулар АҚШ долларымен жасалады. Акциялар Nasdaq Capital Market пен AIX арасында толығымен өзара алмасымды.
Freedom Holding Corp. қаржылық қызметтер ұсынатын, брокерлік қызметпен, бағалы қағаздармен сауда жасаумен, инвестициялық зерттеулермен, инвестициялық консультация берумен, инвестициялық банктік және андеррайтингтік қызметтермен, ипотекамен, сақтандырумен айналысатын әртараптандырылған компания болып табылады. Freedom Holding Corp. компаниясының еншілес компанияларын ескере отырып, 6000-нан астам қызметкері бар. Freedom Holding Corp. компаниясының штаб-пәтері Алматы қаласында орналасқан, ал оның бөлімшелері мен еншілес компаниялары Қазақстан, АҚШ, Кипр, Польша, Испания, Өзбекстан және Әзірбайжан сияқты 20 елде орналасқан.
AIX нарықтар мен өнімдер жөніндегі басқарушы директоры Бiржан Астаев:
«Freedom Holding – бұл тез дамып келе жатқан және өршіл бизнес, сондықтан біз өз клиенттерімізге акцияларға инвестицияларын әртараптандырудың тағы бір нұсқасын ұсына алатынымызға қуаныштымыз», – деп атап өтті.
Freedom Finance Global Директорлар кеңесінің төрағасы Сергей Лукьянов:
«Біздің акцияларымызды АХҚО-ның AIX биржасында листингке қосу — бұл біздің компания үшін өте маңызды қадам. Біздің стратегиямыз Қазақстанның инвестициялық әлеуетін дамытуға және арттыруға бағытталған. AIX листингі біздің клиенттеріміз бен Қазақстанның жеке инвесторлары үшін жаңа мүмкіндіктер ашады. Мен барша қызметкерлерімізге, акционерлерімізге және серіктестерімізге үнемі қолдау көрсетіп, сенім білдіргендері үшін алғыс айтамын».