Astana International Exchange («AIX», «Биржа») биыл алғаш рет Еуразиялық қор нарықтарының федерациясын (FEAS) Астанада қабылдау құрметіне ие болғанын қуана хабарлайды. Бағдарламаға Capital Market Talks, FEAS Директорлар кеңесінің отырысы және Бас ассамблеясы кірді – олардың барлығы федерация мүшелеріне арналған жабық форматта өтті.
Ішкі кездесулермен қатар AIX екі ашық іс-шараның тең ұйымдастырушысы болды: Abu Dhabi Securities Exchange (ADX) және FEAS мүшелерінің қатысуымен өткен Tabadul Roadshow, сондай-ақ «Қиындықтарды өсім мүмкіндігіне қалай айналдыруға болады» тақырыбындағы FEAS Talks панельдік сессиясы. Екі іс-шара да кең аудиторияны жинады және өңірлік ынтымақтастық пен капитал нарықтарының дамуы туралы құнды ақпарат ұсынды.
FEAS Talks панелі алдыңғы қатарлы биржаларды өтімділікті арттыру, компанияларды IPO-ға дайындауды қолдау, инвесторлар базасын әртараптандыру, реформаларды енгізу және инфрақұрылымды жаңғырту сияқты ортақ мәселелерді талқылау үшін біріктірді. Сессия барысында өңірлік өсімге ықпал ететін нақты стратегиялар ұсынылып, нарықтар арасындағы ынтымақтастық пен білім алмасудың маңыздылығы атап өтілді.
Талқылаулар әр биржаның өзіндік ерекшелігі болғанымен, тығыз өзара іс-қимыл неғұрлым өтімді, орнықты және бәсекеге қабілетті капитал нарықтарын құрудың кілті екенін көрсетті. Іс-шара соңында тараптар FEAS қауымдастығы аясында ынтымақтастықты одан әрі тереңдетуге және Еуразия аймағының жаһандық инвесторлар үшін тартымды бағыт ретіндегі позициясын нығайтуға дайын екендіктерін білдірді.
Анықтамалық ақпарат:
AIX 2017 жылы «Астана» халықаралық қаржы орталығын дамыту аясында құрылды. AIX акционерлері қатарында АХҚО, Шанхай қор биржасы, Жібек Жолы Қоры және AIX сауда платформасын ұсынатын NASDAQ биржасы бар. Биржа ағылшын құқығы қағидаттарына негізделген нормативтік-құқықтық орта аясында жұмыс істейді, осылайша сенімді инвестициялық ортаны қамтамасыз етеді. AIX миссиясы – жеке және мемлекеттік бизнесті қаржыландыруды тарту үшін түсінікті және тиімді жағдайларды қамтамасыз ету есебінен Қазақстанда және өңірде капиталдың белсенді нарығын дамыту. AIX тау-кен компаниялары үшін арнайы сегменттерді, сондай-ақ «Белдеу және жол» бастамасы аясында инфрақұрылымдық жобаларды әзірлейді. Толығырақ ақпарат: www.aix.kz
«Астана» халықаралық қаржы орталығы (АХҚО) – бизнесті ашу және жүргізу, инвестициялар тарту, жұмыс орындарын құру және Қазақстан экономикасын дамыту үшін қолайлы құқықтық және реттеуші ортасы әрі дамыған инфрақұрылымы бар тәуелсіз юрисдикция. www.aifc.kz: