Astana International Exchange («AIX», «Биржа») Қазақстан Республикасының Қаржы министрлігі ҚР Үкіметі атынан AIX пен Лондон қор биржасында (LSE) жылдық 4,714% купон мөлшерлемесімен 1,5 млрд АҚШ доллары сомасына 10 жылдық еуробондтарды орналастырғанын хабарлайды. AIX-те сатып алуға өтінім көлемі $322 млн құрады. Аллокация қорытындысы бойынша AIX-те $189,37 млн сомасындағы еуробондтар үлестірілді.
Жергілікті және халықаралық нарықтарда $5 миллиардан астам сомаға тапсырыс түсіп, сұраныстың ұсыныстан төрт есе артуы түпкілікті мөлшерлеменің US Treasuries-ке 88 базистік пункт үстемесімен 4,714%-ға дейін төмендеуіне әкеліп, дамушы нарықтардың онжылдық егемендік облигациялары үшін рекордтық төмен спрэдті белгіледі.
Халықаралық ұйымдастырушылар мен букраннерлер қызметін Citibank, J.P. Morgan, Société Générale CIB атқарды. BCC Invest AIX-те орналастыруды ұйымдастырды.
AIX басқарма төрайымы Әсел Мұқажанова:
«Біз Қазақстан Республикасы Қаржы министрлігінің егемендік облигацияларын шығару үшін жергілікті листингтік алаң болғанымызды мақтан тұтамыз. Жергілікті инвесторлар тарапынан ұсыныстың сұраныстан едәуір артуы олардың қызығушылығының жоғары деңгейін және жергілікті нарықтың ірі мәмілелерді өңдей алу қабілетін тағы да көрсетеді. Біз облигациялардың осы орналастырылуы қазақстандық корпоративтік эмитенттердің нарықты игеруіне жол ашады және ҚР Үкіметіне егемендік борыштың валюталық қоржынын әртараптандыру және инвесторлар базасын кеңейту жөніндегі стратегиялық мақсаттарына қол жеткізуіне көмектеседі деп санаймыз».
Анықтамалық ақпарат:
AIX 2017 жылы «Астана» халықаралық қаржы орталығын дамыту аясында құрылды. AIX акционерлері қатарында АХҚО, Goldman Sachs, Шанхай қор биржасы, Жібек Жолы Қоры және AIX сауда платформасын ұсынатын NASDAQ биржасы бар. Биржа ағылшын құқығы қағидаттарына негізделген нормативтік-құқықтық орта аясында жұмыс істейді, осылайша сенімді инвестициялық ортаны қамтамасыз етеді. AIX миссиясы – жеке және мемлекеттік бизнесті қаржыландыруды тарту үшін түсінікті және тиімді жағдайларды қамтамасыз ету есебінен Қазақстанда және өңірде капиталдың белсенді нарығын дамыту. AIX тау-кен компаниялары үшін арнайы сегменттерді, сондай-ақ «Белдеу және жол» бастамасы аясында инфрақұрылымдық жобаларды әзірлейді. Толығырақ: www.aix.kz
«Астана» халықаралық қаржы орталығы (АХҚО) – 2018 жылы жұмысын бастаған тәуелсіз юрисдикция. 2025 жылға дейінгі даму стратегиясына сәйкес АХҚО-ның негізгі міндеті – ЕАЭО, Орталық Азия және Кавказ елдерін байланыстыратын әмбебап платформа ретінде орнығу. www.aifc.kz