2020 жылғы 6 наурызда «Қазатомөнеркәсіп» ҰАК» АҚ (Қазатомөнеркәсіп) басшылығы инвесторларға Astana International Exchange (AIX, Биржа) 2019 жылғы операциялық және қаржылық қызметтің нәтижелерін ұсынды.
Іс-шараға қазақстандық бөлшек және институционалды инвесторлар қатысты. Вебкаст бойынша шетелдік брокерлер мен инвестициялық компаниялардың өкілдері пікір алмасуға қосылды.
«Астана» халықаралық қаржы орталығының Басқарушысы Қайрат Келімбетов былай деді:
«Қазатомөнеркәсіптің» IPO-сы AIX биржасында алғашқы сауданы бастады және Қазақстанның қазақстандық және жаһандық инвесторлар сенетін жақсы реттеуші ортаны ұсына алатындығын көрсетті. Қазақстандық инвесторлар орналастырылған бағалы қағаздардың жалпы санының 47,5%-ын сатып алғанын атап өткен жөн.»
«Қазатомөнеркәсіптің» AIX-те бағалы қағаздарын алғашқы ашық орналастыру (IPO) 2018 жылдың қараша айында өтті. «Қазатомөнеркәсіп» акцияларының сәтті листингі Биржаның эмитенттер мен инвесторлардың қажеттіліктерін қанағаттандыра алатындығын көрсетті. GDR мен акциялардың қосарланған листингінің, сондай-ақ CICC мен басқа халықаралық брокерлердің биржадағы мүшелігінің арқасында AIX Қазақстан мен сыртқы нарықтарды біріктірді.
2019 жылдың қыркүйегінде «Қазатомөнеркәсіптің» 4% акциясы AIX және Лондон биржасында қайтадан орналастырылды, бұл орналастыру жергілікті және халықаралық инвесторлардың тарапынан жоғары сұранысты көрсетті.
Анықтама үшін:
AIX 2017 жылы «Астана» халықаралық қаржы орталығын дамыту шеңберінде құрылды. АХҚО, GoldmanSachs, Шанхай қор биржасы, Жібек Жолы Қоры және AIX сауда платформасын ұсынатын NASDAQ AIX акционерлері болып табылады. Биржа инвестициялаудың сенімді шарттарын қамтамасыз ете отырып, ағылшын жалпы құқық қағидаттарына негізделген нормативтік-құқықтық орта шеңберінде жұмыс істейді. AIX миссиясы жеке және мемлекеттік бизнесті қаржыландыруды тарту үшін түсінікті әрі тиімді жағдайлар жасау есебінен Қазақстанда және өңірде капиталдың белсенді нарығын дамыту болып табылады. AIX «Белдеу және жол» бастамасы шеңберінде тау-кен компаниялары үшін, сондай-ақ инфрақұрылымдық жобалар үшін арнайы сегменттерді дамытады. Толығырақ: www.aix.kz
АХҚО. «Астана» халықаралық қаржы орталығы (АХҚО) Қазақстан Республикасының Тұңғыш Президенті Нұрсұлтан Назарбаевтың бастамасымен құрылған. АХҚО құру туралы Конституциялық заңға 2015 жылғы 7 желтоқсанда қол қойылды. АХҚО мақсаты — халықаралық деңгейдегі қаржылық қызметтердің жетекші орталығын қалыптастыру. АХҚО-ның міндеттері ел экономикасына инвестицияларды тартуға жәрдемдесу, қаржылық қызмет көрсету саласында инвестициялау үшін тартымды орта құру, Қазақстан Республикасының бағалы қағаздар нарығын дамыту және оның халықаралық капитал нарықтарымен интеграциялануын қамтамасыз ету болып табылады. www.aifc.kz
БАҚ үшін байланыс:
Елена Пак
АІХ коммуникациялары жөніндегі басшысы
Tel: +7 (7172) 23 53 94
Email: [email protected]