IPO дегеніміз не?
IPO (initial public offering) – инвестиция тарту мақсатында компанияның акцияларын қор биржасында бастапқы жария орналастыру. IPO кезінде компания акцияларды еркін айналымға шығарады, оны институционалдық және бөлшек инвесторлар – яғни қарапайым азаматтар сатып ала алады. Кейіннен акционерлер бағалы қағаздар құнының өсуінен, сондай-ақ компания дивидендтер төлеген жағдайда пайда ала алады. Қазақстандағы IPO-ның соңғы сәтті мысалдары ретінде 2018 жылы AIX және LSE (Лондон қор биржасында) өткен «Қазатомөнеркәсіп» уран өндіруші компаниясының және Kaspi технологиялық компаниясының AIX пен LSE-да 2020 акцияларының алғашқы көпшілікке орналастыруларын айтуға болады.
Алдағы IPO
«Самұрық-Қазына» АҚ басқарма төрағасы Алмасадам Сәтқалиев «ҚазМұнайГаз» ҰК» АҚ-ның IPO-сын 2022 жылы өткізетінін жариялады. «ҚазМұнайГаз» ҰК» АҚ акцияларын бастапқы орналастыру AIX және KASE алаңдарында жүргізілетін болады.
IPO-ға қалай қатысуға болады?
AIX бойынша IPO-ға қатысудың үш жолы болады.
- AIX сауда мүшесі брокерлері арқылы дәстүрлі әдіспен
- тікелей Tabys мобильді қосымшасы арқылы жазылу
- тікелей Қазақстан бойынша Қазпоштаның 1170 бөлімшесі арқылы жазылу
